Зурбое дегишигьо сохдет, кем ишу мундетгеш э руй хори, имогьоине эрхэ огьиле одомигьой Уруссиет. Эз гъумолет э гъумолет гирошдет у келе барасигьо. Эз сербошден бие гую э товун буьзуьрге бесгъуни э Келе довгIой Ватани. 27 миллион гьемватанигьойму телеф бирет э муьлкгьой бесхунигьо э вэхьше фашистгьоревоз, комигьореки бу ниет э муьрс дешенде инсонете ве омбаре бэхш хэлгъгьой имуре темиз-тихьор телеф сохде.

Э гирошдигьо орине Президент РД Магомедсалам Магомедов гировунди выездной гуьрдлемей президиум эн Президентски совет Республикей Догъисту. Руй бире эки курабирегоргьо Президент РД риз кеши э товун гировунде омореи суьфдеи гуьрдлемей Президентски Совет Республикей Догъисту. Еки эз бинелуье жэгIмиетлуье, политически гъозиегьой имисалине сал эри республикейму гьисдуьт куьнд биренуьтгьо муниципальни вихдеигьо. Эз хубе тегьер гировундеи эну омбар михьтожи боворинлуьи одомигьо эки хьуькуьм.

Э гIуьзет шасд сал биреи эз хьуькуьмэт
Советире бине нореи э Догъисту.
Екимуьн серне

Вэхд эн васал бу. Доргъо сер гирдебируьт эри чуьме лов сохдэ. Богъгъо ве богъчегъо пур бируьт савзе ве ранге-берангие гуьлгъой васали. Гъушгъо, э чуьшмей васали ве ранге-беранге гуьлгъоошугъ бирэ, сэр гирдебируьт эри хундэ мугъумлуье мэгIнигьошуре, мигуиге хори-гьовош эдембируьт шори сохдэ, э васалевоз эеки омори гуфдире азади ве дусди эри хэлгъ, комиреки овурди тозе хьуькуьмет Совети.

«Иму эз Ирон ведироморигьо. Эз Ирон ведироморейм иму э вилеет Модей (аралугъ Ирон не Азербижан). Зигьистум иму э унжо е ченд сал э дес эн парчой Перес не Модей.
Эз Модей нимей эн жугьуру рафти э Самарканд не Бухоре, оммон иму оморейм э хоригьой эн Евлогь, эн Гёкчой, Барда, Мир-Башир, эн Агдам.

И пушогьо гирошди нушудореи тозе министр доруние коргьо э Республикей Догъисту, полковник юстиции Абдурашид Магомедов. Рэхьбер бинелуье управленией МВД Уруссиет э СКФО Сергей Ченчик омбаракбу сохде тозе министре нушу д э товун четине овхъолет республикейму, ве хосд эри эну ве эри гьеммей десдей доруние коргьо, барасигьо эри яратмиш биреи овхьолет шоглуми э Догъисту. Э гоф сохдеи хуьшде э гуьрдлеме Президент Догъисту Магомедсалам Магомедов риз кеши э товун буьлуьнд биреи чешмегьой терроризм э территорией Догъисту. Эз сер сал гуфди у эз десгьой террористгьо сэгIэр вегирдет 300 одомигьо, гъэдер комики дуь гиле зиедтеи эз порине сал гуьре.

Гуьнжуьндеи эз вэхд зуте нуьвуьсдеи могьлугъэ э четине могьлугълуье пунктгьо бири бинелуье гъосуьт гирошдебугьо и пушогьо видеоконференция «Москва-Ярославль-Махачкала-Мурманск». Эз Москов э товун овхьолет регионгьо шинох биребируьт жигегир рэхьбер Федеральни гъуллугъи госстатистикеи Максим Дианов ве рэхьбер Управленией статистикеи могьлугъ ве гъэлхэнди жунсогъире дошдеи Росстат Ирина Збарская. Э товун кор э республикей иму ихдилот сохдебу Суьфдеи жигегир Сернуьш хьуькуьм РД Низами Казиев, рэхьбер Догъистонлуье отделение Федеральни гъуллугъ госстатистикеи Сергей Ильяшенко ве сервор МО «Рутульский район»

Иму эз е тараф э могъбулиревоз сечмиш сохденим имисал руз эз дедей хьэсуьл омореи ведилуье, зиреке нуьвуьсдегор ве шогьир эн хэлгъ тати, чуьнки эз у руз имогьой гирошди дуз сад сал - у гьисди эри зиндегуни одомигьо согъэ девр. Эз е тарафиге, гьелбетте, иму лап шорим, ки чуькле хэлгъ Догъисту - татгьоре бири ижире сечмишлуье, дананлуье одоми ве корсох, комики гьисди еки эз угьо, ки нори биней пишелуье литературай татире. Иму гуфдиреним э товун нуьвуьсдегор, шогьир, довгIолуье корреспондент, омбарсале жигегир сервелуье редактор республикански гозит "Дагестанская правда" Миши Бахшиев. Эки садсали юбилей эну ведиромореи лап энтигъэе вечиреи вихдее произведенигьой эну э е книг.

И пушогьо э рэхьберьети Президент РД сернуьш Гъэршуйтерростически комиссиеи Магомедсалам Магомедовевоз гирошди еклуье гуьрдлемей Гъэршуйтеррористически комиссиеи ве Оперативни штаб э республикей Догъисту. Э корисохи эну бэхш вегирдебируьт Сернуьш Гуьрдлемей Хэлгъи РД Магомед-Султан Магомедов, Сернуьш Хьуькуьм РД Магомед Абдулаев, Рэхьбер администрациеи Президент ве Хьуькуьм РД Гасан Идрисов, Суьфдеи жигегир Хьуькуьм РД Ризван Курбанов, жигегир Рэхьбер Аппарат Миллетлуье гъэршуйтеррористически комитет РФ Олег Жидков. Фегьм сохде оморебу пуьрсуьш э товун овхьолет гъэршуйтеррористически гъэлхэнди объектгьой гидроэнергетикеи ве дополнительни коргьо эри зевер сохдеи гъэдер гъэлхэнди энугьоре, ве тогIин сохде омори план корисохи Гъэршуйтеррорстически комиссиеи э республикей Догъисту э дуьимуьн нимсали 2010-муьн сал. Нушу доре пуьрсуьшгьой секонесуьзире Президент РД риз кеши э товун четине овхьолет эз у тараф.

Руз-бе-руз зиед биренуьтгьо дегишигьой гьеймогьоине зиндегуни эдете нушу доренуьт, ки эри вероморенуьтгьо эрхэгьо егъин гереки дануьсдеи э товун талантлуье одомигьой хэлгъ иму. Омбаре одомигьой хэлгъ иму, зигьисденуьтгьо э вилеет иму, енебуге э де шегьергьойгей гIуьлом, доренуьт келе бэхш хуьшдере эри параменди гIилм, культури ве де герекигьойгей зиндегуни эн инсон. Гьелбет, иму омбар нуьвуьсденим э верэгъгьой гозит иму э товун талантлуье одомигьой хэлгъ иму, комигьоки э талант хуьшдеревоз гIуьзетлуь сохдет хэлгъ хуьшдере. Имбуруз иму эдее дофус зереним статьей эн Ноберт Явдаеве – серворлуье редактор журнал «Тозе рубеж» э товун хьэвескоре кук хэлгъ иму, музыкант, комики гьемме эшгъ дуьл хуьшдере бэхширени эри хэлгъ хуьшде.

Гьер зомон э торих инсонет дир енебуге зу гирошдени, варасдени. Бири зомонгьо, кейки одоми э муьрс дебири, одоми сэхьиб хэйли одомигьоиге бири. Бири песде эгенер зомон, кейки одомигьо э зэхьм гъэлеи дебири. У зомонигьош гирошди. Имогьой бири у жире зомон, кейки э гIэрей хэлгъгьо эз гьемме зевер пул, девлет-мол зевер хьисоб бири. Омо, воисдени имуре енебуге нисе воисде, и зомониш мигироруь, мирав песово.